الخميس، 28 أغسطس 2008

ما تيجوا تشاركونى الحلم




وحشتونى جدا بجد واللهى كنت مفتقداكم الفترة اللى فاتت بس اعذرونى وباركولى ان شاء الله هعمل اول كتاب ليا وغالبا هايكون موعد نزوله فى معرض القاهرة الدولى للكتاب ويارب ما يكونش الكتاب الاخير ..


****اخيرا الحلم هيبقى حقيقة ****

طبعا انتم دلوقتى عايزين تعرفوا محتوى الكتاب هايكون ايه ...ان شاء الله هانزل فيه حلقات جديدة خالص مع اعادة صياغة الحلقات القديمة من عروسة ننوسة .....وطبعا ده هيخلينى اتوقف عن كتابة اى حلقات جديدة هنا فى المدونة .


كمان فى اقتراح حلو اوى....... انا بفكر فيه وهو انى اعرض على دار النشر انكم تشاركوا معايا فى كتابة الحلقة الاخيرة لعروسة ننوسة
يعنى انا هاسيب النهاية تكون مفتوحة لخيالكم انتم........ وتتصوروها زى ما انتم عايزين


وده عرفانا منى ليكم بالجميل وبمساندتكم ليا وتشجعيكم


ودار النشر هتختار افضل حلقة" الحلقة الاخيرة" و ننزلها باسم صاحبها فى الكتاب
الكل يستعد من الان فصاعد لكتابة الحلقة الاخيرة....... يلا اجهزوا وان شاء الله اول ما احدد مع الدار مساحة الحلقة هتكون اد ايه......... هاقولكم علشان تبتداو تبعتوهالى.
هتوحشونى بس انا هافضل متابعة مدونتكم...... وكمان هعمل مدونة جديدة فى عروسة ننوسة ارجو انكم تتابعوها


هناك 108 تعليقات:

مـجـنـووون يقول...

ألف مبروك علي الكتاب الجديد ، ويا رب يكون أنطلاقة ليكي في عالم الكتابة
ويا ريت تبقي تعرفينا أكتر علي الميعاد ،وفي أي مكان في معرض الكتاب ، لأني ناوي أخد أمضائك علي كتابك الجديد
تقبلي مروري
مجنون

Sometimes يقول...

ايه ياعم الاخبار الجميله دى
ربنا يوفقك يا قمر والف الف مليون مبروك
والفكره جديده ومبتكرة
بس اوعى تنسينا بالله عليكى
كل سنه وانتى طيبه

فارس بلا جواد يقول...

السلام عليكم
اول تعليق

كل سنه وانتى طيبه
والف مبروك
تحياتى

عيله مفتريه سابقا يقول...

الله على الاخبار الحلوة ايوة كده الناس الشغاله من تحت لتحت

والله يا بنوته اتمنى وامخمخ كده وهبقى ابعتلك

بس انتى تستاهلى كل خير

سلامى

عايزه اتطلق و يقول...

اولا الف مبروك على الكتاب وربنا يوفقك وشاكره زيارتك الجميله لمدونتى بس ليا تعليق بسيط ارجو تاخديه وتتقبليه بصدر رحب انا قريت المدونه كلها وعجبنى اسلوبك التصويرى يعنى رحت بخيالى لمكان الحدث بس طريقة الكلام عن خطيبك او حماتك سامحينى سامحينى كمان مره مش عجبتنى يعنى ايه ااقول حبيب امه وابن امه وناس بلدى والاسلوب اليى اتكلمتى بيه وبالاخص فى بوست حفلة النادى وبوست شم النسيم والفاتحه انتى افضل من كده بكتير وممكن تصيغى الموقف وتبينى زهقك من غير ما تكتبى كلام او اسلوب جارح عن حد للمره التانيه انتى افضل واجمل وارق من كده بكتير كتير ...وللمره التانيه انا سعيده بزيارتك لمدونتى وزيارتى لمدونتك ورجاء تتقبلى كلامى بصدر رحب ..وكل رمضان وانتى طيبه وبالف خير..ومره كمان بصدر رحب مفيش زعل ماشى يا قمر..

د/اجدع بنوته يقول...

الف مبروك

بالتوفيق يارب

وعؤبال الكتاب الجاى واللى بعده

blue-wave يقول...

الف مبروك على الكتاب وان شاء الله يكسر الدنيا
ورمضان كريم

الملاك يقول...

السلام عليكم ورحمة الله وبركاته
عودا حميدا اختى فى الله عروسه ننوسه
والف الف مبروك على الكتاب ويارب يحقق انتشار ونجاح كبير قوى قوى
كل عام وانتى بالف خير ويارب دايما بالتوفيق ومن نجاح الى نجاح

دمتى اختى ودام ابداعد برعاية الله وحفظه

كيكى يقول...

اولا
بجد من كل قلبى مبرووووووووووووك
على الكتاب بجد
من قلبى فرحت ليكى....
انتى بجد تستهلى
وكل سنة وانتى بالف خير وصحة يا قمراتى انتى
ابقى قولى هينزل امتى وابقى احكى التفصيل
تانى حاجة
بجد زعلانة منك لو مش عارفة لية تبقى ملهاش لازمة
عموما دايما بتوحشينى
اموااااااااااااااااااااااة
عووووووووووووووووووووووووووو

واحــد ميــت يقول...

اول زيارة لى فى المدنة
المدونة طبعا مش منتظرة انى اقول راى فيها لان ماشاء الله عليها هى بتنطق لوحدها واللهم لاحسد

مبااااااااارك الكتاب الجديد
وباذن الله زيارتى لن تكون الاخيرة
تقبلى تحياتى بكل ود
ادعوكى لزيارة المدونة الجديده
http://agml-qlb.blogspot.com/

سمكه وحده يقول...

الف الف مبروك يا قمر وشكرا علي كلامك الجميل وتشجيعك بجد انا مبسوطه اوي وانت حد جميل اوي وعسول ربنا يوفقك
تحياتي

سمكه وحده يقول...

الف الف مبروك يا قمر علي المفاجأه دي وكلامك زي العسل زيك ومتشكره جدا علي التشجيع ده بجد انا اقل من كده بكتير
بس انتي عسوله ومجامله جدا
ربنا يوفقك يارب
تحياتشي اختشك سمكه

سمكه وحده يقول...

الف مبروك دي تالت مره اكتب وكل ما ابعت يروح الكلام مش عارفه ليه المهم انتي عسوله جدا وربنا يوفقك وشكرا علي كلامك وزوقك يا عسل من اختشك سمكه
تحياتشي ويارب تظهر المره دي احسن هتنرفز ومش هبعتلك تاني ههههههه

سمكه وحده يقول...

دي خامس مره اكتب تعليق وميظهرش وشكلي كده هتنرفز واكسر الكي بورد المهم الف الف مبروك يا قمر وتسلميلي علي مجمله الجميله دي بجد مبسوطه وانتي فعلا عسوله وانتي اللي كلام زي العسل اصلا زيك ربنا يوفقك
ولو مطلعش التعليق هشد شعري
اختشك سمكه
تحياااااااتشي

سمكه وحده يقول...

بجد نا تعبت وخبط راسي في الكي بورد سادس مره اعلق وميظهرش معرفش العيب فين في جهلي ولا ايه
عموما الف مبروك يا ستي وربنا يوفقك
وشكرا علي كلامك الجميل اللي ذيك وانتي اللي تسلميلي يا عسوله
من اختشك سمكه
تحياتشي
يارب يظهر لحسن هتنرفز اهو خلاااااااااص

ahmed_k يقول...

ألف مبروووك يا ننوسه
وبالتوفيق دايما يا رب

وعقبال ما أنشوفك كاتبه مشهوره
بس أبقى إفتكرينا

مع أطيب تحياتي

سمكه وحده يقول...

انا بحاول ابعتلك من الصبح تعليق ومش بيظهر مش عارفه ليه لحد ما كنت هكسر الكي بورد ولمهم الف الف مبروك يا جميل علي الكتاب وبالتوفيق ان شاء الله وربنا يخليكي علي الكلام الجميل ده وانتي اللي تسلميلي
اختشك سموكه
تحياتشي بقي

هانى زينهم يقول...

فكرة المدونة لذيذة قوى.. بس ازاى عروسة ننوسة؟؟ يا اما عروسة.. يا اما ننوسة.. لانها لو فضلت ننوسة مش هتعمر!! والراجل مش ناقص!!
مبروك الكتاب وسعيد بالتعرف على المدونة . وكل سنة وانت طيبة

لماضة يقول...

ياعم ياعم
الله يسهلك يا جميل
تستاهلي تنزل في كتاب والله
ان شاء الله انا تسختي محفوظه طبعاوعليها امضاء وبوسه كمان
:))

محمود حسن العدل يقول...

الف الف مبرووووووووووووووووووك اختى على الكتاب .
بس هاتتوقفى شوية لية عن الكتابة فى المدونة هاتوحشينا اوى
الف مبروك لتانى مرة
وعام عام وانتى بالف خير
تحياتى

mayada يقول...

الف مبروك ياجميله علي الكتاب
وكل سنه وانت طيبه

كيكى يقول...

حبيتى
جنة
وروحى
فى اشاعة مغرضة
بتقول انك
انك
انك
..................
مش قادرة اقوللللللل
!
!
مش ممكنة تكونيى خاينة ومقولتيش لكيكى
اةةةةةةةةةةةةةةةةةةةةةةةةة
قلبى
الحقينى يا مرسى
هنهار على الكرسى
اهى اهى اهى
؟.
؟
كدة ماااااااااشى
ال واحشتك ال
ما انا عارفة
!
!
ما علينا مبروووك تانى يا قمر..
والله يسهلوا بقى
وش بيحقد ومفرووووووووووووووووس
اة نسيت اقولك انا هروح تانى عند ستو بكرة وبجد هتو حشينى..
انا بعتلك اضافة..علشان لو دخلت بسلك التليفون ابقى اطمن عليكى يا قمر؟
اكييييييييييييييييييييييد
لازم اشاركك فى الحلقة الاخيرة
بس تيجى كدة فكرة حلوة انش اء الله
وادرس شوية الشخصيات
ياااااااااااااااااة
ولا كانى بحضر الدكتورة فى الفت البلدى
؟
هههههههههههههههههههههههههه
بس قوليلى هى الحلقة الى قبل الاخيرة هتبقى منفصلة صح
؟
يعنى الاخيرة للخيال مش اكتر.
تصدقى بالله
جاتلى حتة فكرة حلوة
مش خقولك عليها
خليها مفاجاة لم اكلمك بقى...
باااااااااااااااى بجد ياعمرى
هتوحشينى كتيررررررررررر
اموااااااااااااااااااااااااة
عووووووووووووووووووووووووووووووو
مين هيخدك فى غبتى
اعااااااااااااااااااااااا
عوووووووووووووووووووووووووووووووو

أية الشقية الشعنونة يقول...

ألف مبروك يا جميلة يارب
بس تاكديلنا على ميعاده نزوله تانى
الف الف مبروك
وكل سنة وانتى طيوبة
تحياتى

mostafa rayan يقول...

ألف مبروك الكتاب

mostafa rayan يقول...

بس هو الكتاب هيصدر عن اي دار نشر
انتي ماقولتلناش

دعاء مواجهات يقول...

ازيك ياقمر

كل سنة وانتى طيبة وبخير ديما ياارب

والف الف الف مليون مبروك ع الكتاب

وياارب تتوالى الكتب الى ما لانهاية

وربنا يوفقك

سعدت جدا بلقائك

ومنورة مدونتى ديما

سلااام ياقمرى

nado يقول...

عروستنا الجميله قوى الف مليون مبروك بجد فرحت ليكى قوى ولكل مجتهد نصيب بس ارجوكى عايزن معلومات اكتر اسم الكتاب والميعاد عشان نكون متبعينك اول باول الف بوسه ليكى ياقمر

Two in One يقول...

الف الف مبروك وربنا يوفقك يارب والكتاب يكسر الدنيا

رمضان كريم :)

Abd-Alrahman يقول...

جيت بس عشان اقولك كل سنة وانتي طيبة ورمضان كريم
ويارب دايما متفوقة ومبدعة ومليانة حماس
ربنا معاكي

تحياتي

دينا حامد يقول...

الف مبروك ليكي
وباذن الله مش هيكون الاخير ونشوف ليكي مجموعه كتب قريب
رمضان كريم

كيكى يقول...

انتى وحشة
وحشة
بقولك هاروح عند ستو يعنى همشى
وهغيب
فترررررررررررررررررررة
مفيش هتوحشينى
مش تعيطى
انتى انتغيرتى اووووووووووووى
من ساعات مابقيتى شفقة
رووووووووووووووووحى
قلبى وربى
غضبانين عليكى
مااااااااااشية وانا زعلانة
تيتة كيكى
عووووووووووووووووووووووووووو

يوميات نائمة في الأرياف يقول...

انتي ده يا شفقة؟
قري واعترفي
الانكار مش هيفيدك

سمكه وحده يقول...

معلش كتبت كتير مكنتش اعرف انه هيظهر شكلي وحش
عموما حبيت اقول ان في رسايل بتباركلك جت علي ايميلي ازاي معرفش ايميلي الخاص من كيكي وايه شعنونه ومصطفي ونادو وحجات كده وانا نفسي رسالتي وصلت علي ايميلي انا اول ما دخلت اتخضيت في حاجه غلط
واسفه علي التطويل والتعليقات الكتير
مكنتش اعرف انها هتظهر

Lady E يقول...

ألف ألف ألف ألف مليوووووون مبرووووووك على الكتاب انا سعيدة بيه جدا جدا جدا ومتشوقة جدا اني اقرأه
وأخد توقيعك واهدائك عليه

وكمان انا منتظرة المدونة الجديدة وان شاء الله هتكون جميلة جدا جدا يا أحلى عروسة

أكون او لا أكون يقول...

الف مبروك الكتاب يارب... ان شاء الله ينول اعجاب الناس...
بالتوفيق ان شاء الله عزيزتي...
كل سنه وانتي طيبه وبسلام يارب
مبروك عليكي الشهر...

رؤية يقول...

الف مبروك،
وربنا يوفقك ان شاء الله

الطائر الحزين يقول...

وفقك الله
كل عام انت بخير

أنثى الخيـــــال يقول...

ماشاء الله مودنة رائعة
كل عام وانتي بخير

Habiba يقول...

السلام عليكم
ازيك اول زيارة ليا علشان كده مش فاهمه الحكايه قوى يعنى
على اى حال بالتوفيق ويارب دوام النجاح


كل سنه وانتى طيبه رمضان كريم

seven يقول...

الف مليون مبروك على الكاتب
وان شاء الله ينجح كده ويكسر الدنيا
بس عاوزين بقة تكتبلنا اهداء على الكتاب

lyssandra يقول...

كل سنة وانتي طيبه

ومبروك الكتاب

انتي عديتي وما أخدتيش فانوس

ممكن تروحي تاخدي فانوس
من مدونتي التانيه ( ع الهامش )


تحياتي

Lyssandra

جوجو يقول...

السلااااام عليكم

ههههههههههه مكلتيش جاتوه

الف مبرووك وانا كمان اتمنى اننا نكون اصدقاء

nonni يقول...

هههههههههههههههههههههههه

بصى أنا هلكت على نفسى من الضحك بجد مش اقدرة و بقالى حوالى ساتين بقرا فى كل البوستس و بعدين بينى و بينك عمالة أدعيل فى كل بوست بقرهلك ربنا يعينك يا بنتى يا حرام دى الناس بتوع إعلام بيتعبوا أوىىىىىىى و يارب ميكنش كل حظوظ الاعلامين كده فى الحموات ههههههههههه أصل لو كده أنا هغير الكلية من دلوقتى هههههههههه.

عازة أسالك سؤال قبل ما أخلص هيه البوستس دى حقيقية و لا ؟؟؟؟؟؟؟؟؟؟؟

ألف مبروووووووووك على الكتاب و الى الامام دائماً و ياليت تفهمنى أكتر موضوع النهاية المفتوحة دى .

"رمضان كريم"
"تحياتى"

aya يقول...

عزيزتى العروسة الننوسة الجميلة
الف الف الف مبروك الكتاب يا جميلة
ويارب يكون اول كتاب فى سلسلة طويلة باذن الله من الكتب الرائعة
مستنينوا بفارغ الصبر
وان شاء الله يكون كتاب جامد جدا

كل سنة وانتى بخير
ويارب السنة الجاية زى انهاردة تكونى بتكتبى اخر صفحة فى كتابك التانى بعد ما يكون الاول باذن الله كسر الدنيا

الف مبروك يا جميلة

mony يقول...

الف مبروك علي الكتاب

ربنا يتم فرحتك بيه علي خير


و كل سنة و انت طيبة

سومه...مجنونه فى بلد عاقل يقول...

ست شفقه اللى قرطستنا واديتنا على جفانا مجلب سيك وسايبانى ادعيلك واقولك اعتبريه زعزوعه فى البيت كدا تغلطينى فى احسان كدا
اعرف بس منك يا ريت تفاصيل الحلقه الاخيره وانا مستعده اشارك معاكى افهم يعنى حتتكتب مفرده ولا حتوزعى علينا ادوار زى ما بنعمل فى ارايق والضاحكون؟؟؟ والكل حيشارك فيها
سومه_87

باجوجو يقول...

ربنا يوفقك
ومستنيين كتابك الجديد
تقبلى تحياتى

rara يقول...

ألف مليون مبروك
بجد فرحت عشانك اوووووى
ربنا معاكى ويوفقك دايما

وكل سنة وانتى طيبة

ورمضان كريم

بنت مصريه يقول...

فيكى الخير يا ننوسه
طيب مش تقوللنا لما نكتب الحلقه الاخيره نديهالك ازاى
اتمنى تنورينى

maiosha يقول...

ألف ألف ألف مبروك يا احلى عروسة

بجد مبروك والله فرحتلك جدا

وبعدين إيه الأفكار الجامده دى .. والله فكرة جميلة جدا بجد تستحقى عليها الشكر

مع إنى حاسة ان محدش هيعرف يكتب عن مذكراتك دى أكتر منك

إن شاء الله الكتاب هيبقى جامد أخر حاجة وهيكسر الدنيا إن شاء الله

حنين القلب يقول...

الف مبروك على الكتاب ويا رب يكسر الدنيا
وعقبال كده لما اشوفك كاتبه كبيرة وانا لما تحددى مساحه الحلقه الاخيره هبقى ابعتها ليكى بس ايه الجايزة
بصى لو اختارو حلقتى انا مش طماعه انا هطلب 4مليون يورو بسسسس
اتفقنا

كل سنه وانتى طيبه

الملاك يقول...

كل عام وانت بالف خير بمناسبة حلول شهر رمضان الكريم

صباح الصباح يقول...

يااااة
مبروك جدا جدا
المهم المدونة الجميلة دى ترجع تشتغل تانى
اوعىىىى تقفليها

Unique Gurl يقول...

الف مبروك علي الكتاب
و كل سنة وانت طيبة
رمضان كريم :)

انا ودماغي يقول...

ألف ألف ألف مبروك على الكتاب و إن شاء الله يكون من أفضل الكتب اللى حتنزل و ربنا يوفقك فيه
بس متنسيش لما اروح أجيبه توقعيلى عليه ؛)

rovy يقول...

كل سنه وانتى طيبه

كل عام وانتى الى الرحمن اقرب و على طاعته اقدر

رمضان مبارك علينا جميعا اختى الحبيبه

ashraketamal يقول...

عروسة ننوسه

السلام عليكم
الف الف مبارك ويارب يكون فاتحة خير عليكي
كل عام وانتي الى الله اقرب
رمضان كريم ليك عندي هديه اتفضلي حمليها من مدونتي
تحياتي
اشراقة

سومه...مجنونه فى بلد عاقل يقول...

شفقه انا كتبتها فعلا بس مش عارفه ابعتهالك على فين راجعيها ولو فى تعديل طالباه ابقى بلغينى

!!! عارفة ... مش عارف ليه يقول...

بقى بعد كل ده تطعل اشتغالة :)

بجد مفاجأة ناااااار

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

كيكى يقول...

وحشتينى
كتيرررررررررررررررررر
بجد
كل سنة وانى بالف صحة وخيررررررررررر
امواااااااااااة
عووووووووووووووووووووو

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

maryooom يقول...

اولا كل سنة وانتي طيبة يارب كده تحققي كل اللي انتي بتحلمي بيه يارب ومبروك الف مليون مبروك وزغروطة يا جدعان
لولولولولولولولولىىىىىىىىىىى
وموضوع الحلقة الاخيرة بقي قولي انتي بس الميعاد وهاكتبلك حلقة ان شاء الله تعجبك
تحياتي ومبروك مرة اخيرة

almasry يقول...

مبروووووووووووووووك



يعنى لاقيتى كتابه بفلوس قلتى أهى تبقى أفضل من المدونه ...... ده احنا المصريين أصحاب المثل ابوبلاش كتر منه عموما مبـــــــــــــــــــــــــروك



تحيــــاتى

المصــــــــــــــرى

pusssssy يقول...

الف مبروك ياقمر ويارب يكون وش الخير عليكى.......

كل سنه وانتى طيبه.......

Pusssssy

حـــــدوتـــــة يقول...

السلام عليكم

كل سنة وانتى طيبة ورمضان كريم
ربنا يوفقك فى موضوع الكتاب

سلالالالالالالالالالالالالالالالالالالالالالالام

حسن حنفى يقول...

اسسسسسسف اني جيت متاخر

بس والله الريدر بايظ

:((

الف مبروك علي الكتاب

وان شءا الله نشوف الكتاب رقم

1000000

مواطن مصرى نايم يقول...

مبروووووووووووووووووووووووووووووك
مبروووووووووووووووووووووووووووووك
مبروووووووووووووووووووووووووووووك
ايه الجمال ده يا شفقة ربنا يوفقك يا رب
عقبال ما احسان بقى ينزل كتاب
و ان شاء الله انا برضوا بظبط موضوع كتاب
ربنا يوفقنا جميعا يا رب
قولى لى اول ما تنزلى الكتاب او قبلة بفترة
و هاتى لى الغلاف
عشان اعمل لك دعاية بقى
حعمل دعاية جامده
بس قولى لى قبل ما ينزل بفترة كده عشان ياخد وقته فالدعاية

Dr.Mohammed Gohary يقول...

ألف ألف مبروك

ربنا يوفقك

عارفه

لما بلاقي شغل مدونات بيعلى بفرح أوي

بجد بجد
المدونين دول لسان البلد

تحياتي

بيكر(baker) يقول...

الف مبروك على الكتاب و ان شاء الله يكون فاتحة خير عليكى

,.-~*'¨¯¨'*•~mr ,.-~*'¨¯¨'*•~monshed يقول...

الف الف مبروك ياااااااااااااه فرحان جد
ربنا يكرمك يارب
وكل سنه وانتى طيبة
رمضان كريم

ليكوريكا يقول...

بالتوفيق ليكم كلكم

والله تستاهلوا كل خير

ايوه كده هتتشهروا وتمضولنا اوتوجرافات :)))

كل رمضان وانتي بخير

والف الف مبروك عالخبر الحلو ده

ليكوريكا

كيكى يقول...

ايييييييييييييييييييييية
فينك
!
عوووووووووووووووووووووووو

نهر الحب يقول...

ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

Zanooba (Zeinab sab9n) يقول...

ألف مبرووووووك على الكتاب شفتي ده أنا وشي طلع حلو و أنا معرف أول تعليق بكتاب أمل تاني تعليق ب إيه طب إيه مفيش فلوس للفايز :) طيب حشوف كده لو عرفت أمخخ حكتب و أبعتلك مبروك مرة تانية و مستنية جديدك و أكتبي ع7شان المدونة تحفة ....رمضان كريم و كل سنة و أنت طيبة


أختك زنوبة

جوجو يقول...

السلام عليكم

كل سنة وانتى طيبة

الف مبروووووووووووووك على الكتااااب

شيتوس الاهلاويه اووووي يقول...

ربنا يوفقك ويكرمك يااااااااارب
وإن شاء الله نشوف كتبك علي طول
واتمنالك تحققي كل احلامك
انا فعلا اول مره ازورك واول مره اقرالك حاجة بس فعلا هتوحشينا بس ادام هتعملي حاجة هنشوفها في الأخر واكيد هتعجبنا يبقي ربنا يوفقك بقي
ومعاكي كلنا ان شاء الله
دمتي سالمة ورمضان كريم
كل سنة وانتي طيبة

ا.ح يقول...

بسم الله الرحمن الرحيم
السلام عليكم ورحمة الله وبركاته

الاول كدة معلش اعذريني في شوية الغباء اللي زي بتوع كوكو بس علشان اول طلة ليا هنا

ايييييييييييييييييييه يا بشر؟
انا عوزة افهم حاجة هي دي يوميات حقيقية فعلا يعني انتي فعلا مخطوبة و اليوميات السودة دي يومياتك؟؟؟؟؟؟؟؟
ولا انتي بتألفي قصص و هتعملي كتاب باذن الله
هههههههههههههههه لا و الله بجد عوزة اعرف انا مقدرتش اقوم الا لما قريتها كلها بتاعت الشهر ده بس طبعا مش كله بس انتي عارفة مش عارفة ارد على ايه ولا ايه
انا اتنقط و اتفقت و جالي تخلف عقلي هو في ناس بالشكل ده؟؟؟؟؟؟؟؟؟؟؟
لو كانت دي يومياتك بجد هيكون ليا سؤال مصيري بالنسبالي
(انتي صابرة على الاشكال دي ليه؟)

elsha3er يقول...

ربنا يحققلك كل اللى فى نغسك ويبقوا عشر كتب

احمد الشاعر

المحارب المتيم يقول...

الف حمد الله على السلامة الاول

والف مبروك على الكتاب ثاتيا

وكل سنة وانتى طيبة ورمضان كريم

ثالثا

يارب من نجاح لنجاح

الملاك يقول...

السلام عليكم ورحمة الله وبركاته
اختى عروسه ننوسه اتمنى من الله ان تكونى فى افضل حال وتحيي فى ظل قرب ورضاه الله

دمتى برعاية الله

عيله مفتريه سابقا يقول...

يا ست الكل غيبتى علينا ليه

عاوزة اعمل توضيح للناس اللى اول مرة

العروسه الننوسه دى كلام كتبته مش عليها يعنى بس اهى بتقول يوميات تضحكنا على سى كوكو

يا ستو انتى مقولتيش اى اخبار جديدة يعنى اللى كتبناه نرميه ولا اية
ولا فى ايميل ولا حاجه

على العموم مستنين جديدك

simple girl.. ..simple dream يقول...

الف مبروك على الكتاب

وجامدة اوى فكرة مسابقة الحلقة الاخيرة دى

بس كان المفروض تحطى نمرة 0900 عشان نبعت عليها الاجابات

لا بهزر معاكى
هى فعلا فكرة حلوة

Selfmeaning يقول...

سعيدة جدا ان اول زيارة ليكى

لقيتك فيها فرحانة

يارب يتمم عليكى بالخير

و تفرحى بأول كتاب ليكى

:)

بنت مصريه يقول...

فيه فطار للمدونين ف ساقيه الصاوى يوم الجمعه 26 وهيحضره خالد الصاوى كلنا رايحيين نتمنى نشوفك هناك
لوعايز تعرف التفاصيل زور مدونه عليا حلييم
http://aliahlim.blogspot.com/

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة ) فى هذا الرابط:

http://www.ouregypt.us/culture/main.html

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

,.-~*'¨¯¨'*•~mr ,.-~*'¨¯¨'*•~monshed يقول...

بس احنا كده هوحشنا مواضيعك يا الف خسارة الواحد فرحان بس هايزعل بسبب انقطاع التدوين

عروسة ننوسة يقول...

وحشتونى جدا جدا واللهى بس رمضان بقى وكل سنة وانتم طيبين
ان شاء الله بعد رمضان هاكتب بوست اوضح فيه مساحة الحلقة الاخيرة وازاى تبعتولى عليها
كمان الميل بتاعى موجود على البروفيل وهو اللى هتبعتولى عليه

عبده الرايق يقول...

الف الف مبروك على الاخبار الجميله دى
وبدعى ربنا يوفقك
وكل عام وانتم بخير بمناسبه عيد الفطر المبارك

الملاك يقول...

السلام عليكم ورحمة الله وبركاته
كل عام وانت بالف خير أختى فى الله بمناسبة عيد الفطر المبارك أعاده الله علينا وعلى الأمة الأسلاميه باليمن والبركات

دمتى اختى برعاية الله

shabfa2re يقول...

beeeep beeeep
happy eiiiiiid

nado يقول...

واحشانى قوى وبجد انا فرحانه ليكى كتيرررررررررررررررررررررررررررررررر ويارب الكتاب يبقى اول طريقك لنجاح الّى دائما معودنا عليه ارجوكى ما تختفيش وخليكى دائما معانا وكل سنه وانتى طيبه وعيد سعيد عليكى يارب

FreeKiller يقول...

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

ahmed_k يقول...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

mony يقول...

الف مبروك

و عقبال الكتاب التاني و الثاث

لحد مايبقوا سلسة كتب كده انشاء الله

و كل سنة و انت طيبة

بنوتة يقول...

ألف ألف ألف مبرووووووووووووك
وتستاهليها على فكرة

أتمنى تدخلي تشوفي مدونتي وان شاء الله تعجبك أصل هي لسة جديدة ومحتاجة تشجيع

GiGi يقول...

الف مليون مبروك ياعروسه ياعسل
يارب الكتاب ينجح نجاح كبييييييييييير
تحياتي وكل عام وانتى بخير يارب

سمكه وحده يقول...

في ايه يا عروسه روحتي فين

بقالك كتير متيجي عندنا شويه الجو حلو
عاوزين جديد
تحياتي
سمكه

rommantic يقول...

الف مبروك على الكتاب
وربنا يزيدك
بس ممكن اسئل سؤال
اللى عاوز يوصل هو كمان وينشر فى كتاب يعمل ايه
علشان يوصل
تحياتى

Geo Amr يقول...

الف مبرووووووووووووووووووك ويارب يحقق نجاح اكبر مما تتوقعى

Geo Amr يقول...

كل سنة وانتى طيبة والف مليون مبروك على الكتاب ويارب يحقق نجاح اكبر مما تتوقعى

rommantic يقول...

وصلنى ردك
وانا طبعا احب انشر بس انا معرفش دول مدوناتهم فين
علشان اقولهم
مشكله صح
عامه تحياتى

rara يقول...

وحشتينى اوى ويارب تكونى كويسة طمنينى عليكى

ن يقول...

السلام عليكم ورحمة من الله وبركاته
تحياتى إلى كل المدونين الجادين وأتمنى أن يشاركونا الرأى والأجتهادات للخروج من تخبط الأراء التى كثرت عن الدين ودرء الشبهات التى تلصق الى الأسلام بتصيد بعض الأخطاء التى الصقت ببعض المفاهيم ..وعبر هذه المدونة علينا أن نبحث فى مصداقية الروايات السابقة وتخير الأجتهادات الحالية بما يخدم الأسلام وقضاياه .
مع خالص تحياتى
أمل فتحى عزت

Mayar1977 يقول...

الف مبروووووك على الخبر الحلو وعلى المدونة اللذيذة ده انا معجبه بيها اوي موتتني من الضحك ويشرفني مرورك لمدوناتي ويشرفني اوي رايك وراي الاخوة الكرام وبالتوفيق ان شاء الله

http://no-red-line.blogspot.com/
http://noredline.maktoobblog.com/

غير معرف يقول...

مدونة ظريفة كتييييييير

http://www.4exvision.com

mail يقول...

So Niiiiiice :)
http://www.un4web.com

كادسول يقول...

موضوع شيق .. جزاكم الله خيرا


http://www.cadsoul.com