
كلنا قاعدين مستنين نشوف رؤية هلال شهر رمضان وفرحنا اوى اول لما عرفنا انه بكره .....وكلهم ايه قاعدين يبصولى ويضحكوا وكل واحد بكلمة وانا اقلهم **ايه بقى ما تنقطونا بسكاتكم اخواتى اللى يقول اما نشوف عريس الهنا هيجيب ايه. واللى ترد تقول ...ياما جاب الغراب لامه وانا فى سرى" وانا متغاظة"الله يكسفك اما نشوف هترفع راسى ولا هتدلدلها زى كل مرة؟؟ وعلى العموم انا حاسة انك هتقطعها مش هدلدلها وبس!
شوية وكلمنى كوكو يقولى كل سنة وانتى طيبة وقالى انه هيجى تانى يوم رمضان يفطر معانا قلت له "اوع تنسى الفانوس .قام قال حاضر بس كده عيونى..
شويتين والتليفون مبطلش رن والكل بيهنىء ويسأل العريس جاب ايه؟ وانا طبعا بفشر واتعنتظ واقول "يوه ده جاب الديب من ديله وجاب وجاب ومن اغلى حاجة...وبتريقة اصله ايه مبحبح اوى على الاخر مشفتش حد فى كرمه.وبينى وبين نفسى شكله هيسيب الديب وهيجيب ديله"
وجت ميعاد الزيارة واسم النبى حرسه وصاينه جه ايد وراء وايد قدام....بصراحة انا وشى جاب الوان من الكسوف والكل قعد يضحك عليه .
وكالعادة سالته باستخدام اسلوب البجاحة العفيف"ايه فين الفانوس؟ قال"طيب قولى كل سنة وانت طيب...وبعدين يا حبيبتى انا لفيت مصر بحالها شارع شارع محل محل الفوانيس خلصت!
انا اتخضيت"خلصت ازاى مصر كلها خلصت فوانيسها على حظى؟
قال"ايوا هو ده اللى حصل حتى حاجات رمضان وحشة اوى السنة دى مش عارف ليه..وبعدين يا ستى الفوانيس دى بتاعة العيال الصغيرين واحنا كبرنا على الحاجات دى ولا ايه يا طنط؟ ماما ضحكت له ضحكة تود فى داهية...شوية شوية كانت هتحدفه بالاطباق وماما بصت لى كده وقالت "عريس ايه ده يا اخواتى لا فانوس ولا بلحايه؟ ربنا يكون فى عونك يا بنتى....
كان يجى يشوف خطيب بنت خالتك عامل معاها ايه بلا نيلة على رجالة اليومين دول..."
المهم يلا يا بنتى نحضر الفطار المدفع هيضرب...رحت قلت اه لو المدفع ده يضرب وتيجى الطلقة هنا يا سلام يبقى احلى رمضان عدى على"
شوية وحطينا الفطار وتعمدت محطش خشاف ادامه ....راح بصى لى وقال"ايه احنا هناكل من غير ما نشرب ايه فين البلح؟ رحت قايلة وانا مفروسة "اسكت مش لفينا زيك على كل المحلات ومالقناش حاجة حلوة السنة دى فمشترناش "راح قال برخامة"اظاهر انكم رحتم نفس المحلات اللى رحتها"
وعدى رمضان والحمد لله بدون خساير وجاءت يوم الوقفة***
ماما قالت"ايه متنحة ليه ...متخافيش اكيد هيجى ويعيد عليكى ويديكى العيدية والكحك" رحت قايلة بغيظ "اه زى الفانوس "والنبى لو شفتى منه كحكايه ابقى قابلينى"
الباشا شرف هو والهانم مارلين مونرو ومعاهم طنط اوسة وطنط نغنوشة اقصد خلاته وخلانه جاين يعيدوا علينا وطنط شايلة شنطة فيها حاجة اد كف الايد وحطتها ادامها طول القاعدة تقريبا والله واعلم كانت هتنزل بيها تانى"
شوية قدمنا الحادق والحلو والمشروب وحبتين طنط قررت تحن علينا وتطلع اللى فى الشنطة....وقالت لى كل سنة وانتى طيبة انا جبتلك كحك العيد كحك ايه يستاهل بقك" ابص الاقى طبق فيه عشر كحكات يا نهار اسود طبعا ما هو يادوبك ادوق" ما شاء الله عليها "بتريقة"قلت فى سرى "ما شاء الله لا تقولى كحك العبد ولا لابور طنط جابت لى من الدوار"
طبعا انا وماما سخسخنا من الضحك وشوية كانوا هيصعبوا علينا ونديهم احنا العيدية!
الغريبة ان طنط كل شوية كانت عماله تذلنا وتقول"ابقى افتكرى طنط اهو انا جبتلك كحك العيد نص بملبن ونص بعجوة"وشوية وتمد ايدها تاخد من الكحك وتدفس فى بق كوكو وتبص لى وتقولى دوقى انت مش بتدوقى ليه"
وهزيت راسى وقلت فى سرى"اه ما هو يا دوبك ادوق وهو انتى جايبة غير عينات علشان نختبرها اصلها اظاهر كانت فاكرانى دكتورة تحاليل"
حبتين وقدمنا من الكحك اللى احنا شارينه قامت قالت بأنافة وعجرفة"لالا مش حلو اوى انتم اشتريتوه منين؟ لا تعرفوا اللى اشترهولى كوكو احلى اصله من الغالى اوى
انا وماما بصينا لبعض وماما قالت لها"هو الكحك ده انتم عاملينه ولا شارينه؟
ردت"لا ده من اللى انا عاملاه قلت ادوقكم عمايل ايديه.....لكن فى كحك تانى اشترهولى كوكو حبيب عينى اصل مش باكل الكحك الا من بره وبصراحة كوكو اصله ما يفوتش مناسبة.... اشترى لى الفانوس وادانى العيدية واشترى لى الكحك من اغلى حته "رحت بصت له بصة كلها شر وغل وشوية وكنت هشد فى شعرى لحد ما ابقى قرعة"عمال تقولى الفانوس ده لعب عيال...يعنى الست مامتك هى اللى نغة؟ شوية شوية تجيب لها بزازة اه يا نارى على اللى يسيبنى عليك انت وهى كنت عملت منكم كحك بالبنى ادمين "ورحت غمزاه ومديله شلوت خفيف فى رجله وقلت "بقى الفوانيس خلصت ؟ وبتاعة العيال ها؟قام رد ببرود" كل سنة وانتى طيبة يا حبيبتى ما رمضان خلص ....وعلى العموم ما تزعليش رحت قلت له ها هتشترهولى؟ قالى لا هبقى اجيب لك فانوس ماما تلعبى بى شوية!!! وكل سنة وانتم طيبين.
شوية وكلمنى كوكو يقولى كل سنة وانتى طيبة وقالى انه هيجى تانى يوم رمضان يفطر معانا قلت له "اوع تنسى الفانوس .قام قال حاضر بس كده عيونى..
شويتين والتليفون مبطلش رن والكل بيهنىء ويسأل العريس جاب ايه؟ وانا طبعا بفشر واتعنتظ واقول "يوه ده جاب الديب من ديله وجاب وجاب ومن اغلى حاجة...وبتريقة اصله ايه مبحبح اوى على الاخر مشفتش حد فى كرمه.وبينى وبين نفسى شكله هيسيب الديب وهيجيب ديله"
وجت ميعاد الزيارة واسم النبى حرسه وصاينه جه ايد وراء وايد قدام....بصراحة انا وشى جاب الوان من الكسوف والكل قعد يضحك عليه .
وكالعادة سالته باستخدام اسلوب البجاحة العفيف"ايه فين الفانوس؟ قال"طيب قولى كل سنة وانت طيب...وبعدين يا حبيبتى انا لفيت مصر بحالها شارع شارع محل محل الفوانيس خلصت!
انا اتخضيت"خلصت ازاى مصر كلها خلصت فوانيسها على حظى؟
قال"ايوا هو ده اللى حصل حتى حاجات رمضان وحشة اوى السنة دى مش عارف ليه..وبعدين يا ستى الفوانيس دى بتاعة العيال الصغيرين واحنا كبرنا على الحاجات دى ولا ايه يا طنط؟ ماما ضحكت له ضحكة تود فى داهية...شوية شوية كانت هتحدفه بالاطباق وماما بصت لى كده وقالت "عريس ايه ده يا اخواتى لا فانوس ولا بلحايه؟ ربنا يكون فى عونك يا بنتى....
كان يجى يشوف خطيب بنت خالتك عامل معاها ايه بلا نيلة على رجالة اليومين دول..."
المهم يلا يا بنتى نحضر الفطار المدفع هيضرب...رحت قلت اه لو المدفع ده يضرب وتيجى الطلقة هنا يا سلام يبقى احلى رمضان عدى على"
شوية وحطينا الفطار وتعمدت محطش خشاف ادامه ....راح بصى لى وقال"ايه احنا هناكل من غير ما نشرب ايه فين البلح؟ رحت قايلة وانا مفروسة "اسكت مش لفينا زيك على كل المحلات ومالقناش حاجة حلوة السنة دى فمشترناش "راح قال برخامة"اظاهر انكم رحتم نفس المحلات اللى رحتها"
وعدى رمضان والحمد لله بدون خساير وجاءت يوم الوقفة***
ماما قالت"ايه متنحة ليه ...متخافيش اكيد هيجى ويعيد عليكى ويديكى العيدية والكحك" رحت قايلة بغيظ "اه زى الفانوس "والنبى لو شفتى منه كحكايه ابقى قابلينى"
الباشا شرف هو والهانم مارلين مونرو ومعاهم طنط اوسة وطنط نغنوشة اقصد خلاته وخلانه جاين يعيدوا علينا وطنط شايلة شنطة فيها حاجة اد كف الايد وحطتها ادامها طول القاعدة تقريبا والله واعلم كانت هتنزل بيها تانى"
شوية قدمنا الحادق والحلو والمشروب وحبتين طنط قررت تحن علينا وتطلع اللى فى الشنطة....وقالت لى كل سنة وانتى طيبة انا جبتلك كحك العيد كحك ايه يستاهل بقك" ابص الاقى طبق فيه عشر كحكات يا نهار اسود طبعا ما هو يادوبك ادوق" ما شاء الله عليها "بتريقة"قلت فى سرى "ما شاء الله لا تقولى كحك العبد ولا لابور طنط جابت لى من الدوار"
طبعا انا وماما سخسخنا من الضحك وشوية كانوا هيصعبوا علينا ونديهم احنا العيدية!
الغريبة ان طنط كل شوية كانت عماله تذلنا وتقول"ابقى افتكرى طنط اهو انا جبتلك كحك العيد نص بملبن ونص بعجوة"وشوية وتمد ايدها تاخد من الكحك وتدفس فى بق كوكو وتبص لى وتقولى دوقى انت مش بتدوقى ليه"
وهزيت راسى وقلت فى سرى"اه ما هو يا دوبك ادوق وهو انتى جايبة غير عينات علشان نختبرها اصلها اظاهر كانت فاكرانى دكتورة تحاليل"
حبتين وقدمنا من الكحك اللى احنا شارينه قامت قالت بأنافة وعجرفة"لالا مش حلو اوى انتم اشتريتوه منين؟ لا تعرفوا اللى اشترهولى كوكو احلى اصله من الغالى اوى
انا وماما بصينا لبعض وماما قالت لها"هو الكحك ده انتم عاملينه ولا شارينه؟
ردت"لا ده من اللى انا عاملاه قلت ادوقكم عمايل ايديه.....لكن فى كحك تانى اشترهولى كوكو حبيب عينى اصل مش باكل الكحك الا من بره وبصراحة كوكو اصله ما يفوتش مناسبة.... اشترى لى الفانوس وادانى العيدية واشترى لى الكحك من اغلى حته "رحت بصت له بصة كلها شر وغل وشوية وكنت هشد فى شعرى لحد ما ابقى قرعة"عمال تقولى الفانوس ده لعب عيال...يعنى الست مامتك هى اللى نغة؟ شوية شوية تجيب لها بزازة اه يا نارى على اللى يسيبنى عليك انت وهى كنت عملت منكم كحك بالبنى ادمين "ورحت غمزاه ومديله شلوت خفيف فى رجله وقلت "بقى الفوانيس خلصت ؟ وبتاعة العيال ها؟قام رد ببرود" كل سنة وانتى طيبة يا حبيبتى ما رمضان خلص ....وعلى العموم ما تزعليش رحت قلت له ها هتشترهولى؟ قالى لا هبقى اجيب لك فانوس ماما تلعبى بى شوية!!! وكل سنة وانتم طيبين.
هناك 53 تعليقًا:
هههههههههههههههههه
امه
معلش هو مش عكننه عليكي
لكن ايه العريس ابن امه الجامد ده
والبخل هينط من عنيه
الله يكون في عونك
هههههههههههههههههههه
طيب هو الاخ ده فيه اي ميزه يعني بخيل و عديم الذوق و ابن ماما و مالوش رأي في اي حاجه ايه ميزته
و لسه ماجلهاش ضغط لحد دلوقتي منو
تحياتي
بصى يا ننوسه قصدى يا عروسه
انت ظهرتى على حقيقتك ..دخله على
طمع ..مش مستنيه كلمه حلوه ..لالالا..
المهم جاب ايه المهم هيعطى ايه ..من
اولها عاوزه تنفضيه ..طب هيجهز منيين
لالالاانا زعلان كنت بحسبكم اتغيرتم جيل
النت والكمبيوتر طلع ده غلط كلكم
حواء حواء حواء
الفانوس والكحك
فكرتينا برمضان وحلاوته
بجد دمك شربات
هههههههههههههههه .. ضحك اخر حاجة بجد جامد جدا البلوج بتاعك ..
اسلوب كتابتك راااااائع ، لغة عامية جمييييلة جدا ..
انا حابتدى اقرا كل اللى انتى كاتباه كل لما يوبأه عندى وقت ..
و شكرا على زيارتك للبلوج بتاعى اتمنى انك تستمرى ..
بجد بجد يا جنة, انا مت على نفسى من الضحك .. مدونتك مميزة بأسلوبك الساخر اللطيف ومش هتكون آخر زياراتى ان شاء الله
بس سؤال من صديق , المواقف دى بتحصل فعلا زى مبتحكيها والا انتى مزودة العيار شوية
تحياتى
هههههههههههههههههههه
هيجيب لك فانوس مامته تبقى تلعبى بيه وترجعيه تانى
اوعى تكسريه او توقعى منه حاجه
هههههههههههههههههههههه
بوست جميل
و طلعتى القطط المطسانة فى الواد
تحياتى ليكى و شكرا على زيارتى و التعليق
بجد نورتى البلوج
بس البلوج بتاعى الرئيسى
اهوه
قهوة : نام يا مصرى
قرأت تعليق حضرتك عند عايزه اتكلم
اكيد كلكم تقدروا تشاركوا معانا فى سلسلة مدونات مصريه للجيب
فقط راسلونا حسب التفاصيل الموجوده فى اللينك دا
sneen.blogspot.com
او على الايميل دا
ahmed_mahana_me@yahoo.com
وانشروا الفكره عشان يستفيد غيركم زى مانتوا عرفتوا من عايزه اتكلم
انا اول مره اخش البلوج بتاعك
بس بجد خورافه
حلو اوي
عايزين من المواضع دي كتير
:)
http://mo7amedthelover.blogspot.com
ان كنت فاكره انك حتقدرى تغيريه بعد الجواز تبقى بتحلمى.. كان غيرك اشطر.. قعدت اقول يا بت اعقلى حتبوظى الاجوازه على هديه..و لا كحك فى مناسبه و لا حلاوة مولد ايه... المعيله ديه.. يمكن ما يكونش بيفهم فى الحجات ديه و انتى حتعلميه... يمكن... يمكن....و فى الاخر فضل هوه زى ما هوه .. و انا اللى اتفرسسسسسسسسسسسسسسست
سلام
عريس الهنا .. و الله العظيم أنا لو منك أعمل له كحك بالنابلم ..
هههههههههههههههههههههه
كلمه واحدة تتقال ليكى فى الموقف دة
ربنا معاكى انت هتشوفى ايام مع العريس دة اسود من البتنجان الاسود
تحياتى
احمد الجيزاوى
اققتليهم وخلصينا .ضحى بنفسك واقتليه واخدمى البشريه.
انا هموت واعرف الكلام ده بجد؟
الواد ابن امه
وامه خميرة عكننه
يا مصبر يا رب
نفسي اعرف اخرتها ايه
هههههههههههه
ايه البخل دة
بس ايه انتي شكلك داخلة علي طمع بقي مش واخداه علي حب ولا ايه عاوزة تنفضية كده من اولها طب استني بعد الجواز
تحياتي
السلام عليكم
اية البخل دة اوحش حاجة فى الراجل انة يكون بخيل اسالين انا مادوبتش لسة حد
اأولك إيه
ربنا يتمم بخير
ويجيب العواقب سليمه
******
يشرفني زيارتكم لمدونتي
matpool..maktoobblog.com
والإستماع إلي شعري علي يو تيوب
youTube-khafagyah's channel
هههههههههه
حلوة حكاية الفوانيس اللي خلصت :) تدوينة جميلة :) بس قوليلي صحيح ؟ هي دي صورتك فعلا ؟!
مساء الخير
دي اول زيارة ليا هنا
مدونة ظريفة بجد
تحياتى
نشتكى من الاول مش تصبرى شويه لما تقع الفاس فى الراس الصبر حلو وكله هيخلص
ويتحاسب على التنفيض وقلة التقبيض
وهيروح فين بسسس الصبر
ناجح يوسف
بجد ما شاء الله عليكى
ربنا يحفظك يارب
باين علية بخيل
بس ممكن يكون العروسة مش على مزاجة وخطبها عاقية هههه
تحياتى
والله بجي عشان اطمن ايه اخبار العريس بس والله خايف يكون لقب العريس دا بفلوس يزعل يلا الف هنا
ههههههههههههه
والله انت عسل
ده مش عريس اكيد ومش عاوز
عروسه ده عاوز عرسه تخنقه
انت ايه اللي دبسك ياقمر التدبيسه دي
اما بالنسبه للاغنيه
http://www.lu2a.blogspot.com/
ده بلوج وائل لاحتراف التدوين
هتلاقي فيه كل اللي انت عاوزاه
واي خدمه ياجميل
هههههههههههههههه
انا ضحكت لما بطنى وجعتنى
اسلوبك ماشاء الله لذيذ قوى
والمواقف بتاعتك زى السكر
انتى ملكيش حل
هههههههههههههههه
ماهو انتى اللى غلطانة فيه واحدة عاقلة
تروح تتخطب لواحد اسمه كوكو
وياتري ده من النوع اللى بيكاكي ولا بيهوهو ؟
ايه يابنتي المصيبة اللى انتى فيها دي !!
ربنا معاكي
بس بجد بسم الله ماشاء الله عليكي
اسلوب وخفة دم امسكي الخشب انتى تتحسدي بصراحة
المدونة ماشاء الله عليها جميلة جدا
من اول الاستايل لحد الاسلوب والمواضيع
الى الامام دائما وربنا يوفقك
يعنى يشترى فانوس لامه وانتى لا؟
وبعدين امه تغيظك
واضح ان الجوازه دى مش لازم تتم
السلام عليكم ورحمة الله وبركاته
من اجلك
من اجل الحريه
من اجل كل مدون مصري
من اجل الدفاع ع ن حقوقنا
يتشرف اتحاد المدونين المصريين بدعوة سيادتكم لحضور اجتماع الاتحاد يوم 25 / 4 فى كافيتريا المحروسة التابعة لفندق المحروسة للقوات المسلحة بالاسكندرية الساعة العاشرة صباحا . وتفضلوا بقبول فائق الاحترام مع تحيات اعضاء اللجنة الاجتماعية وادرة منتديات اتحاد المدونين المصرين
ولي اي استفسر
تا بعونا ع البريد التالي
ahmedhiqal@yahoo.com
وكماندعكم بالمشاركه في منتدكم
الجديد
منتدي لك
فوجب عليكم التسجيل
في اتحاد المدونين
المصرين
الذي يضم
نخبه
من اهم الشخصيات
محماين
وصحافه
واعلام
ننتظركم
تسجيل متاح لكل الأ عمار
http://egtadwin.yoo7.com/index.htm
ههههههههههه
جميله اوى انا مبطلتش ضحك
حبيبى يا منفض لى امتى هتقبضنى
موضوع دمه خفيف اوى ما شاء الله
مبااااااارك
ههههههههههههههههههههههههههههههههه
عسل والله
ربنا يصبرك
جنة
سعدت جدا بزيارتك لمدونتى وادينى برد الزيارة
البوست لذيذ جدا و اسلوبك دمه خفيف بس اوعى يكون المحروس خطيبك بجد لحسن ازعل اوى اصل ابن امه ده نوع صعب التعامل معاه لانك هتجوزيه هو وامه مع انى انا من اشد المؤيدين لبر الوالدين بس طبعا فيه حدود. والله يا أختى انا مرت عليه النوعية دى بس فى الأخر قلت قعدة الخزانة و لا جوازة الندامة
ولا تزعلى رمضان الجاى اجيبلك احلى فانوس
تحياتى
عنجد كتير حلووو
وبنهاية ساب الديب وديله وجه هوة :)
فعليا الانثى مش بتهتم بالهدايا كدرجة اولى بس طريقة عرضك لمتطلبات المجتع وكيف الناس بتحكي عالموضوع وكيف بتكبر براس البنت جد روووعة
دمتي بخير
ام المييس
ممكن سؤال
هي الحكايات دي حقيقة ولا من الخيال؟
لومن خيالك انت بتكتبي حلو
بس لو حقيقة المفروض ماتبصيش للحاجات دي ماتخلهاش هي الأساس اصل يعني الجيران و الأهل مالهم يهمهم في ايه العريسجاب ايه دي حاجات شخصية ماتخليش حد يدخل فيها
تحياتي لكي
- ممكن تشيلي تأكيد الكلمة لأنه بيخنق في الكتابة
سعدت بزيارة مدونتك
دمك خفيف واسلوبك شيق والمواقف كلها تموت من الضحك اتمنى لكى دوام التوفيق
تقبلى مرورى
تحياتى
ROVY
هههههههههههههه
ههههههههههههههههه
ههههههههههههههههههههه
هستريا ضحك من هنا لبكره لبعده
هههههههههههههههه
بجد اسلوبك ما شاء الله جلو
وهو خلاص شباب مصر خلص مفيش غير البخيل ده ؟
تحياتي ليكي وبشكرك علي زيارتك ليا اوتمني المتابعه
اول مرة هطلب زيارة محتاجه جدا جدا اجابات على البوست الاخير بمدونتى
شكرا
دى اول زياردة لية فى مدونتك الجميلة جدا ولن تكون الاخيرة بأذن الله
سعدت جدا بكل ما تم كتابتة فى مدونتك الشيقة والممتعة وكذلك طريقة الكتابة التى تقومين بها
دمتى فى حفظ الله ..
اتشرف بزيارتكم الى صفحتى
http://www.cry2day.blogspot.com
ممكن اعرف انتى لسه متمسكة بيه ليه؟
وانتى طيبه وربنا يخليلك عريس الهنا
تحيـــــــــاتى
المصـــــــــــــرى
والله انتى مالكيش حل
انا قريت المدونة كلها ومع كل بوست اخلصه بجرى على اللى وراه اقراه
بجد انتى سكره
انا مش اعرفة انى اازاى لسه بتقاومى
ربنا معاكى يا بنتى وربنا يصبرك
" ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
\\\\\\\\\\\\\\\\\\\\\\\\\\\\\\\\\\
ممكن تشيلى تاكيد الكلمة حين ارسال تعليق
فين الجديد انا مستنى اهو مش ماشى
مليش دعوه انا عايز الجديد
او الفانوس حاجه من الاتنين
هههههههههههههههههه انتى عسوله قوى اتمنى تنورينى يا قمر
بس نصيحه الحقى سلكى منه اى حاجه
والا بعد الجواز مش هتلاقى اى حاجه
ربنا يكون في عون الراجل دا
طب مجبلكيش دبدوب فرو ف عيد ميلادك .. طب ايس كريم في سيتي ستار ... طب غدوة ف ماك ... طب مطلبش منك تجيبله الشبكة ... هو الجدع ده مشربش من نيلها ولا ايه
اسلوبك عبقري في عرض الواقع اللي بتعيشه العروسة
اعملي حسابك فستان الفرح عليكي .... اصل فستان الفرح بدعة
ههههههههههههههههههههههههههههههههههه
والله انا حاسس انى بسمع نكته على الجدع اللى اسمه كوكو
بس اللى شاغلنى وهو بيجيب الديب من ديله الديب ما عضهوش!!!!!!!!
اكيد مامته وهى بتعمل الكحك كانت لفت على محلات الدقيق وما لقتش منه كتير
فجابت عينات
بس باين عليها بتعزك اوى !!!!!
وفوانيس رمضان اكيد كانت خلصت
يعنى هايجيب لمامته فانوس ويجيبلك زيها ده يعقل برضه !!!!!
ابقى قوليله يجيبلك فانوس بيغنى ويقول اخاصمك اه واسيبك لا !!!!
ويجيب لمامته فانوس بيقول الحما كالعما
وسمعنى سلام الحموات حلوات بكحكهم فاتنات
بجد اسلوبك جميل اوى احييكى عليه
مع خالص تحياتى
الباش مهندس بوحميد
البخيل بخيل ولو حتي علقوا علي راسه منديل
ههههههههههههههه
سلامي ... بوست حلو اوي
ايه اللى مصبرك على العريس ده يا بنتى
اللى زى ده قلته احسن
مش علشان الماديات
انا عندى خطيبى يجيبلى حاجه قليله على اده و تكون عندى بالدنيا بس ما يكون ما يكونش عنده و مستخسر فيه
و كمان ابن امه
اهربى يا بنتى منه و انتى الكسبانه
ياريت تحوشى التدقيق الاملائى
و ليكى عندى تاج تعالى خديه بس من غير كوكو و امه
ايه اللى مصبرك على العريس ده يا بنتى
اللى زى ده قلته احسن
مش علشان الماديات
انا عندى خطيبى يجيبلى حاجه قليله على اده و تكون عندى بالدنيا بس ما يكون ما يكونش عنده و مستخسر فيه
و كمان ابن امه
اهربى يا بنتى منه و انتى الكسبانه
ياريت تحوشى التدقيق الاملائى
و ليكى عندى تاج تعالى خديه بس من غير كوكو و امه
انا رجعت علشان اقرا تانى الموضوع عاجبنى مووت
ههههههههههههههه
ــــــــــــــــــ
دعوة لفعل الخير
اتمنى زيارة مدونتى
تحياتى
إرسال تعليق